Tirana: Derbi na e shtyu festën e titullit

Në stërvitjen e djeshme të Tiranës ka pasur shumë komente në lidhje me derbin Dinamo-Partizani, e cila u fitua nga blutë 3-1. Kampionët në fuqi nuk e kanë kapërdirë dot këtë dorëzim pa kushte të të kuqve, të cilët në tri fazat e para i kanë shpartalluar dinamovitët. Kjo fitore e Dinamos ka bërë që Tirana ta shtyjë për javët e ardhshme festimin në mënyrë matematike të titullit kampion, pasi 12 pikët diferencë në 5 javë nuk mjaftojnë ende. Po të bëhet një llogari e thjeshtë, bardhebluve u nevojiten edhe 4 pikë në këto ndeshje të mbetura të fazës së katërt. Gjithsesi, djemtë e Josës janë të bindur se, pavarësisht këtyre marrëveshjeve që bëhen "nën rrogoz", do të dinë të triumfojnë ashtu siç kanë bërë deri tani. Ja sesi shprehet një prej lojtarëve kryesorë të Tiranës, Rezart Dabulla, për fitoren e Dinamos ndaj Partizanit: "E kisha parandier në njëfarë mënyre këtë fitore të bluve dhe faktikisht ashtu ndodhi, që festimet e titullit t'i shtyjmë për javët në vazhdim. Dinamo mori një tripikësh të paralajmëruar me Partizanin për vetë faktin se të dy ekipet janë edhe në finale të Kupës së Shqipërisë. Tashmë parashikoj që këtë trofe do ta fitojnë të kuqtë, të cilët po e shikonin që po u ikte nga duart edhe vendi i dytë dhe ka gjasa ta kenë bërë një pakt të tillë. Megjithatë, këto janë punët e tyre dhe e dinë më mirë vetë sesi t'i zgjidhin. Për ne, rëndësi ka sidomos fakti që për Superkupë mund të ndeshemi me Partizanin, skuadër e cila "dashurohet" pa masë në kampin tonë,"- thotë me ironi mbrojtësi luftarak. Ndërkohë, Nevil Dede ka qenë mungesa e vetme e Tiranës në stërvitjen e djeshme, zhvilluar në stadiumin "Selman Stërmasi". Kapiteni bardheblu është nisur në drejtim të Estonisë, ku është grumbulluar me ekipin kombëtar për miqësoren e nesërme me skuadrën vendëse. Ndërkohë, Devi Muka, një tjetër kuqezi në kampin e Tiranës, nuk është grumbulluar për shkak dëmtimi, prandaj dje është stërvitur individualisht. Vlonjati vuan një dëmtim në kofshë, të cilin e ka keqësuar edhe më shumë kur luajti 75 minuta në derbin me Dinamon. Sipas masazhatorit Altin Haxhia, është me mëdyshje prania e fantazistit në sfidën delikate me shkodranët, të shtunën në stadiumin "Loro Boriçi".
A.Celibashi


Dibrani mendon se Tirana e ka siguruar medaljen e kampiones, edhe pse duhen luajtur edhe 5 javë
Halili: Shkumbini iku, radhën e ka Vllaznia
"Shkumbinit i morëm 3 pikët e nevojshme për të qenë më afër titullit kampion." Kështu ka preferuar ta nisë deklarimin e tij për "Sportin shqiptar" sulmuesi bardheblu, Mahir Halili. Dibrani që luan sezonin e tij të katërt në radhët e Tiranës, ishte nga lojtarët më të mirë në fushë për skuadrën e tij të shtunën, në atë fitore 3-2 ndaj peqinasve. "Këpuca e artë" e sezonit të kaluar (20 gola) është preferuar nga trajneri Mirel Josa për të formuar "tredhëmbëshin" e sulmit, së bashku me Fortuzin dhe Xhafën. Kjo zgjidhje duket sikur u dha të drejtë bardhebluve për të siguruar tri pikët e radhës dhe për ta shtruar akoma rrugën me "asfalt" drejt titullit të 21-të kampion. "Ka qenë një fitore e merituar ajo e së shtunës me Shkumbinin për kampionat. Në këtë përballje vinim pas eliminimit nga Kupa e Shqipërisë, çka e kishte rënduar disi anën tonë psikologjike. Duhej medoemos të fitonim dhe ia arritëm qëllimit, duke ushtruar presion të vazhdueshëm në mbrojtjen e ngjeshur të peqinasve,"- thotë Mahir Halili.
Ndaj Shkumbinit, kampionët në fuqi kanë pasur tri mungesa në formacionin bazë, megjithatë, lojtarët që luajtën dhanë maksimumin për të arritur te fitorja. Tirana, edhe këtë herë e tregoi forcën e saj absolute ndaj të gjithë kundërshtarëve. Duke u futur në komentin e 90 minutave, 29-vjeçari bën të ditur se skuadra pati vështirësi të dilte në lojën e saj për shkak të terrenit të rënduar të stadiumit "Selman Stërmasi". "Fillimisht patëm probleme në lojën tonë, duke qenë se fusha ishte me gunga dhe po bënim gabime në pasime. Gjithashtu, edhe peqinasit po luanin mjaft fort në mbrojtje dhe kundërsulmonin rrezikshëm, pasi nuk kishin çfarë të humbisnin. Duhej goli i Agollit që të çliroheshim dhe të shënonim edhe dy gola të tjerë, për ta siguruar përfundimisht fitoren. Për sa u takon golave të Shkumbinit, ato ishin rrjedhojë e goditjeve standarde dhe mund të them se në minutat e fundit nuk kishte më kohë,"- thotë numri 14 i bardhebluve.
Duke lënë mënjanë fitoren në kampionat me Shkumbinin, Mahir Halili nuk kishte sesi të mos thoshte dy fjalë në lidhje me eliminimin nga kupa prej skuadrës së Dinamos. "Të gjithë kishim menduar se ky edicion do të ishte kurorëzimi me të dy trofetë kombëtarë, por ja që nuk ndodhi kështu. Ashtu si sezonin e kaluar, edhe sivjet u eliminuam në gjysmëfinale nga dinamovitët, të cilët ishin shumë me fat. Në total të 180 minutave, Tirana ka zhvilluar dy prej ndeshjeve të saj më të mira në këtë sezon, por nuk ishte e thënë që të kualifikoheshim. Gabimi ynë është se humbëm shumë raste për gol, ndërkohë që blutë na ndëshkonin v

Location/Vendndodhja: England

A ju pelqen kjo faqe? Po