Mema: Humbja, fjalë e harruar për ne
Derbi i madh i kryeqytetit, Partizani-Tirana, pritet të mbushë për të tretën herë shkallët e stadiumit "Qemal Stafa". Ndonëse në dy fazat e para të kampionatit ekipet kanë qenë më pranë njëri-tjetrit me pikë, interesimi për këtë takim mbetet përsëri i madh. Por derbi këtë të shtunë, përveç emocioneve të një ballafaqimi "big"-ësh, do të ketë edhe diçka tjetër, tepër interesante. Në qendër të vëmendjes është pikërisht trajneri i të kuqve, Sulejman Mema, i vetmi që ka lëvizur brenda këtij sezoni nga njëri kamp në tjetrin. Trajneri Mema, në derbin e parë të këtij sezoni, ishte në krye të Tiranës dhe përjetoi humbjen e parë të bardhebluve në kampionat, çka solli pak javë më pas edhe rrëzimin e tij. Ndërsa derbin e dytë e pa nga tribuna. Tashmë trajneri Mema në krye të Partizanit do të kërkojë fitoren e të kuqve të kryeqytetit për të rihapur kampionatin që kryesohet bindshëm nga Tirana. Duket i qetë, por edhe i tensionuar. Gjithsesi, trajneri Mema flet për herë të parë para derbit. Në një intervistë ekskluzive për "Sportin shqiptar", ai tregon emocionet e tij dhe gjithçka tjetër para kësaj supersfide të rëndësishme të kampionatit tonë:
- Një ditë na ndan nga supersfida e madhe. Si po përjetohet nga Partizani derbi i së shtunës?
- Gjithçka duket e qetë. Stërvitja ka vijuar normalisht sipas planeve tona dhe gjendja e skuadrës është më e mirë se javët e fundit. Partizani-Tirana është një ndeshje që pritet me padurim nga tifozët, ndaj dhe ne kemi bërë përgatitjet e duhura për të paraqitur të shtunën një futboll të bukur për të gjithë.
- Po ju personalisht si po e prisni derbin?
- Edhe unë i qetë, si të gjithë të tjerët. Fatmirësisht, ashtu si në ditët e para, kur jam ulur në stolin e Partizanit, edhe gjatë javës së fundit kam gjetur përkrahjen e tifozëve. Janë treguar shumë të ngrohtë me mua, por, nga ana tjetër, shoh që kanë diçka që i vret nga brenda. Besoj se është mungesa e titullit, ndaj shpresoj që në derbi t'i kënaqim sa më shumë.
- Në derbin e fazës së parë kërkonit fitoren e Tiranës, ndërsa tani suksesin e Partizanit...
- (Qesh). Futbolli prandaj është i bukur. Jam i kënaqur që kam drejtuar një ekip si Tirana dhe tani që po drejtoj një ekip tjetër si Partizani. Jam i kënaqur sepse të dyja janë ekipet më të mëdha dhe që i kanë dhënë kaq shumë futbollit shqiptar. Kështu që t'i drejtosh brenda një sezoni është diçka edhe më e bukur. Imagjinojeni kampionatin pa këto skuadra.
- Ju i njihni më mirë se askush tjetër të dy ekipet. Cili është ndryshimi midis Partizanit dhe Tiranës?
- Mendoj se ka ndryshime jo edhe aq të mëdha, por nuk është momenti të jap opinionim tim për këtë çështje.
- A mendoni se Tirana e ka më të lehtë se Partizani që të fitojë jashtë fushës së vet?
- Po, është e vërtetë dhe këtë e kanë treguar ndeshjet e fundit. Por me Partizanin nuk mendoj se e ka pasur ndonjëherë dhe as do ta ketë të lehtë të fitojë.
- Kjo do të thotë se Tirana i trembet Partizanit?
- Po, i trembet gjithmonë, ashtu sikurse ndodh edhe me Partizanin. Ky është derbi i vërtetë, spektakli, emocionet, prandaj dhe shkallët e stadiumit mbushen plot me tifozë.
- Keni ndryshuar ndonjë gjë para derbit?
- Do të ketë ndryshime, por ndryshimet do të jenë kryesisht të vogla. Do të luajmë me kujdes dhe do të përpiqemi të ruajmë qetësinë ndaj Tiranëss.
- Kujt i druheni më shumë?
- Anës psikologjike. Bardheblutë do të dalin më të lirshëm në fushë, sepse kanë një diferencë prej shtatë pikësh karshi nesh. Gjithashtu, humbja në derbi nuk do të ketë probleme te Tirana, aq sa mund të ketë te Partizani. Ata në fund mund t'i gëzohen edhe barazimit, por edhe humbja është e rikuperueshme për ta në të ardhmen.
- Ju mendoni se Partizani duhet ta harrojë titullin nëse humbet derbin?
- Nëse ndodh kjo, Tirana shkëputet 10 pikë, kështu që në javët e mbetura do të jetë shumë e vështirë të kapet kreu.
- A do ta jepni dorëheqjen nëse humbet Partizani në derbi?
- Ne i kemi bërë të gjitha përgatitjet e duhura për të dalë të suksesshëm në derbi. Por nëse dështojmë, mendoj se humbja mund të sjellë probleme jo vetëm për mua si trajner, por për të gjithë ekipin.

Location/Vendndodhja: England

A ju pelqen kjo faqe? Po

sula e hongri derrin se tirona e myti morrin

Location/Vendndodhja: verona

A ju pelqen kjo faqe? po