Tirana - Skuadra më e mirë e vitit 2003 në Shqipëri

Bardheblutë, kampionë në fuqi dhe kryesues të kampionatit, janë skuadra më e mirë e vitit që po mbyllet, në bazë të rezultateve në ndeshjet zyrtare, ku përfshihen kampionati, kupa, superkupa dhe Liga e Kampioneve të Europës. Me 100 pikë në 48 ndeshje, lë prapa Partizanin, Dinamon dhe Vllazninë. Shkodranët, më sulmues së te gjithë të tjerët...

Tirana jo vetëm kampione e dimrit, por edhe kampione e vitit 2003. Skuadra që mban titullin dhe kreun e kampionatit, e fiton sërish vendin e parë ndër simotrat, falë 100 pikëve të grumbulluara në 48 ndeshje. Një mesatare prej 69.4 përqind e suksesit (pjesëtimi i pikëve të fituara me ato të përgjithshmet), me 107 gola të shënuar gjithsej (më shumë se çdo skuadër tjetër) dhe 50 të pësuar. Nën drejtimin e trajnerëve Frashëri (42 pikë), Mema (29 pikë) e Josa (29 pikë), bardheblutë e kanë parë thuajse çdo herë veten në krye të renditjes së kampionatit. Ndër 31 javë të luajtura gjithsej në 365 ditë të 2003-it, në 27 prej tyre Tirana ka qenë në vendin e parë, duke ia lënë kreun 2 herë Partizanit e Teutës (me pikë të barabarta) dhe Teutës (e vetme), gjatë sezonit të tanishëm. Ky rezultat përbën një rritje në krahasim me vitin 2002, vit në të cilin sërish Tirana ishte më e mira, por në konkurrencë shumë më të fortë nga Dinamo. Në vitin e kaluar, tiranasit grumbulluan 87 pikë në 37 ndeshje, por kishin mesatare më të lartë suksesi (fituan 78.4 përqind të pikëve të mundshme). Dinamo ishte fare pranë, me 84 pikë në 39 ndeshje (mesatare suksesi 71.8 përqind). Këtë vit, vendin e dytë e ka zënë Partizani, me 90 pikë në 45 ndeshje dhe 99 gola të shënuar. Dinamo ka zbritur një vend më poshtë, në të tretin, por nuk është shumë larg, me 87 pikë në 47 ndeshje, por vetëm me 73 gola të shënuar. Kjo do të thotë se konkurrenca është rritur ndjeshëm këtë vit, sepse vendi i tretë i vitit të kaluar, Vllaznia, ishte shumë më prapa, me 54 pikë (mesatare e suksesit 56.3 përqind e pikëve të mundshme).

Skuadra e vitit 2003
1.Tirana: 100 pikë në 48 ndeshje, 31 fitore, 7 barazime, 10 humbje, golat: 107-50. Mesatarja e suksesit: 69.4 përqind e pikëve të mundshme, 2.23 gola të shënuar për ndeshje, 1.04 gola të pësuar për ndeshje, diferenca: 1.19.
Kampionati 2002-03: 30 pikë, 10 fitore, 0 barazime, 3 humbje, golat: 34-13; Kupa e Shqipërisë 2002-03: 12 pikë, 3 fitorem 3 barazime, 2 humbje, golat: 9-7; Liga e Kampioneve 2003-04: 3 pikë, 1 fitore, 0 barazime, 3 humbje, golat: 5-10; Superkupa 2003: 3 pikë, 1 fitore, golat: 3-0; Kampionati 2003-04: 40 pikë, 12 fitore, 4 barazime, 2 humbje, golat: 45-18; Kupa e Shqipërisë 2003-04: 12 pikë, 4 fitore, 0 barazime, 0 humbje, golat: 11-2.
2.Partizani: 90 pikë në 45 ndeshje, 27 fitore, 9 barazime, 9 humbje, golat: 99-50. Mesatarja e suksesit: 66.7 përqind e pikëve të mundshme, 2.2 gola të shënuar për ndeshje, 1.11 gola të pësuar për ndeshje, diferenca: 1.09.
3.Dinamo: 87 pikë në 47 ndeshje, 25 fitore, 12 barazime, 10 humbje, golat: 73-48. Mesatarja e suksesit: 61.7 përqind e pikëve të mundshme, 1.55 gola të shënuar për ndeshje, 1.02 gola të pësuar për ndeshje, diferenca: 0.53.
4.Vllaznia: 82 pikë në 45 ndeshje, 25 fitore, 7 barazime, 13 humbje, golat: 106-65. Mesatarja e suksesit: 60.7 përqind e pikëve të mundshme, 2.36 gola të shënuar për ndeshje, 1.44 gola të pësuar për ndeshje, diferenca: 0.92.

Location/Vendndodhja: England

A ju pelqen kjo faqe? Po