Tirana përforcon kreun, Vllaznia rigjen fitoren ngushëlluese. Dinamo mund Lushnjën në shtëpinë e saj, Besa më në fund fitore ne shtëpi. Teuta vetëm një pikë në Elbasan....


Tirana, vetëm nëpërmjet një goli të Mukës në minutën e 51-të, arrin të fitojë derbin me Partizanin, që e rikonfirmon atë ecuri të mirë të saj në javët e fundit, dhe e bën atë të shkëputet 5 pikë nga kundërshtari më i afërt në klasifikim. Një fitore e ngushtë e bardhebluve në sfidën e dytë derbit të këtij sezoni. Që nga fillimi kemi parë dy skuara të motivuara për të fituar këtë takim, por këmbëngulja Tiranës ka rënë më shumë në sy Dhe ka mjaftuar një gol i Devi Mukës, që të shpërthente gëzimi i Tiranës, në një moment që të gjitha ndeshjet e grupit A1 ishin fiksuar te barazimet (rezultatet e fillimit të pjesëve të dyta nëpër rrethe). Ka qenë pikërisht ky gol ai që ka bërë dhe diferencën ku është parë rivaliteti mes dy kampeve.Pjesa e parë, megjithë përpjekjet e të dy skuadrave, është mbyllur në barazim 0-0. Loja është luajtur më shumë në mesfushë, ndërkohë që nuk kanë munguar dhe rastet për shënim. Ndërkohë që pjesa e dytë ka dhuruar shumë emocione: vetëm 6 minuta pas fillimit të saj, do të vinte ai gol i Mukës, që do të ndizte atmosferën si në fushë ashtu dhe në shkallët e stadiumit. Sulmuesi vlonjë, me këtë gol konfirmon veten si golashënuesi më të mirë të kampionatit me 9 gola. Po ashtu nuk munguan as nervat e kartonat e kuq. Partizani e kërkoi më shumë golin e barazimit, krijoi disa raste, por gjithashtu rrezikoi shumë, pasi bardheblutë dilnin shpesh në kundërsulme të shpejta dhe mund të kishin dyfishuar. Gjithsesi, fërshëllima e fundit ka lënë në fuqi fitoren 1-0 të Tiranës që bën tashmë një shkëputje prej 5 pikësh me ndjekësit. Vllaznia merr një fitore të rëndësishme në Vlorë ndaj Flamurtarit, e cila i ndihmon shkodranët jo vetëm për të larguar atë shije të hidhur që la humbje në shtëpi me Tiranën një javë më parë, por edhe për të ngjitur në renditje. Rezultati përfundimtar i këtij takimi ka qenë 2-1 në favor të Vllanisë. Me këtë humbje Flamurtari e rëndoi me tej gjendjen e tij në këtë kampionat. Vendasit kërkuan të ruajnë të paktën barazimin pas dy golave që u shënuan në pjesën e parë në portat respektive, por nuk ia arriti. Në minutat e fundit, shkodranët kaluan në avantazh me të talentuarin Salihi, duke shuar përfundimisht shpresat e vlonjatëve dhe sportdashësve të paktë që ndiqnin takimin, per nje barazim. Pas kësaj humbjeje, Flamurtari ka ende 8 pikë, duke mbetur sërish në vendin e fundit në tabelën e renditjes. Dy fitoret e tjera të kësaj jave janë për Dinamon që mund Lushnjen në shtëpi, dhe për Besën, që në fushën e saj fiton ndaj Shkumbinit. Teuta e vendit të tretë është ndalur në një barazim 1-1 në Elbasan.

Location/Vendndodhja: England

A ju pelqen kjo faqe? Po