Bardheblutë, në katër ndeshjet në vazhdim, do të luajnë ndaj rivalëve për titull
Tirana, me Vllazninë nis muaji i "ferrit"
Të gjithë në kampin bardheblu janë të ndërgjegjshëm që "muaj i mjaltit",i cili ka filluar nga ndeshja me Lushnjën,Flamurtarin,Besën dhe Shkumbinin,tashmë ka përfunduar.Për ta,tashmë fillon një muaj "ferri",i cili korrespondon me katër supersfida,ndaj rivalëve direktë për titull,siç janë ato me Vllazninë,Partizanin,Teutën dhe Dinamon.Pra,do të jenë shkodranët ata që do t'i matin realisht "pulsin" Tiranës në këtë fazë të dytë,kur në krye ndodhet trajneri Mirel Josa.Për sa u takon rezultateve të fazës së parë me kundërshtarët direktë,në katër ndeshje me ta,bardheblutë koleksionuan 4 pikë,nga 12 të mundshmet.Shumë pak për një skuadër,e cila pretendon të shpallet kampione e vendit.Gjithsesi, ajo periudhë e errët që kampionët kaluan,duket se është lënë pas, duke parë që në 6 takimet e fundit kanë koleksionuar 6 fitore,duke përfshirë edhe ndeshjet e kupës.
Në një koment të shkurtër që kanë bërë për "Sportin shqiptar" disa prej lojtarëve të Tiranës,kanë shprehur idenë se duhet të derdhin më shumë djersë për të mos përsëritur rezultatet e fazës së parë. Kështu,Rezart Dabulla,në pragsfidën e sotme me shkodranët,tha:"Me ballafaqimin me Vllazninë, për ne nis një muaj"ferri",nëse mund ta quajmë kështu. Duke filluar që sot dhe 3 javët në vazhdim, neve na duhet të djersijmë akoma më shumë nga ç'kemi bërë me kundërshtarë si Lushnja,Flamurtari apo Besa.Mendoj se tani do të duket më mirë puna e trajnerit Josa,i cili gjithmonë na komunikon anët negative dhe pozitive pas çdo ndeshje,"- thotë Dabulla. Ndërkohë, për Saimir Patushin,një ish-kuqeblu, sfida e sotme me shkodranët do të jetë delikate për sa i takon ruajtjes së kryesimit."Vllaznia është një "kockë" e fortë dhe nuk është e lehtë ta mundësh në fushën e saj, megjithatë ne do të mundohemi të bëjmë më të mirën sot dhe në superndeshjet në vazhdim,"- përfundon matjani.
Tekniku i kampionëve parashikon një sfidë të hapur me shkodranët, ku të tri rezultatet janë të pranueshme
Josa: Vllazninë e çmojmë, por nuk i druhemi
Kur na ndajnë edhe pak orë nga supersfida e javës së 14-të, Vllaznia-Tirana, gjithçka duket se është gati në kampin bardheblu. Është pikërisht trajneri Mirel Josa ai që e konfirmon këtë fakt në një deklarim për "Sportin shqiptar." Sipas tij, Tirana do të zbresë sot në "Loro Boriçi", e gatshme për të përballuar një 90-minutësh të nxehtë, ashtu siç ju shkon për shtat dy prej skuadrave më të mira të kampionatit shqiptar.
"Parashikoj një takim shumë të vështirë sot me shkodranët. Besoj se do të jetë një nga ato ndeshje emocionuese që nuk të hiqen kollaj nga kujtesa për vetë futbollin që aplikojmë si ne, ashtu edhe Vllaznia. Kam parë ndeshjen e tyre me Teutën para disa javësh dhe më kanë lënë mbresa për mënyrën sesi luajtën,"- shprehet trajneri bardheblu. Fitorja e fundit 2-0 në kupë ndaj Lushnjës e ka lënë të kënaqur Josën për sa i takon kualifikimit të mëtejshëm, por jo aq për mënyrën e lojës që zhvilluan të tijtë. Megjithatë, ai shprehet se gabimet janë njerëzore dhe kjo është arsyeja pse ai ndodhet në krye të ekipit, pra të ndreqë çdo të metë që do t'i dalë përpara. "Në këto gjashtë ndeshjet e fundit kam mbetur i kënaqur na skuadra për rezultatet e koleksionuara, sesa për lojën e zhvilluar. Kemi treguar disa mangësi në këtë drejtim, megjithatë unë prandaj jam në drejtim të skuadrës, që t'i ndreq të gjitha ato probleme, pasi, në fund të fundit, lojtarët janë njerëz dhe mund të gabojnë. Unë po mundohem që t'i jap përparësi edhe anës tjetër të medaljes, që është kolektiviteti brenda grupit, sepse vetëm në këtë mënyrë mund të ecim akoma përpara,"- komenton Mirel Josa.
Për sa i takon mënyrës së lojës që Tirana do të zhvillojë, sipas trajnerit të saj, ajo nuk do të ketë ndryshime rrënjësore, si në vendosje ashtu edhe në lojtarë. "Për këtë ballafaqim delikat i kam në dispozicion të gjithë lojtarët. Ky fakt më gëzon, sepse do të hedh në fushë pak a shumë atë 11-tësh që ka luajtur së fundmi. Në lidhje me mënyrën e lojës, mund të them se do të luajmë hapur, gjithmonë në kërkim të golit. Nuk do ta pranoja kurrsesi idenë që të luanim vetëm për t'u mbrojtur, pasi kjo mund të sjellë ndëshkimin tonë. Favor për ne do të jetë terreni, i cili të lejon që secili prej futbollistëve të shprehë maksimumin e mundësive të veta,"- vazhdon idenë e tij tekniku i Tiranës. Ndërkohë, për sa i takon disfavorit që do të ketë me shkodranët, Josa deklaron se ajo do të jetë vetëm te tifozeria. "Disfavori që do të kemi me shkodranët është vetëm te tifozeria, e cila ndër vite kanë qenë lojtari i 12-të për Vllazninë. Megjithatë, kam besim te forca e djemve për ta përballuar si duhet psikologjikisht një 90-minutësh si ky i sotmi,"- thotë më tej ish-lojtari bardheblu. Në fund të komentit, i pyetur nëse i druhet Vllaznisë, Mirel Josa deklaron: "Vllazninë, përveçse e çmojmë dhe e respekojme,nuk i druhemi.Tirana eshte nje skuader me objek

Location/Vendndodhja: England

A ju pelqen kjo faqe? Po