DREJT NJOHJES SË TRE KAMPIONATEVE KOMBËTARE TË LUFTËS: 1939, 1940 DHE 1942 (1942: KAMPIONAT MBARËKOMBËTAR ME PJESËMARRJEN E PRIZRENIT, PEJËS E PRISHTINËS)

Reagimi i pare mberrin nga ltalia

Dr. Giovanni Armillotta: “Janë të vlefshëm nga pikëpamja shkencore dhe analogjike, por dhe nga ana e të drejtës ndërkombëtare”

Gjithçka është identike me rastin e Kampionateve të Francës gjatë pushtimit nazist, të njohur nga Federata Franceze e Futbollit

Z. Drejtor të “Futbollit Shqiptar”, DR. BESNIK DIZDARI-t

I dashuri Drejtor,
Dje kam tërhequr nga Kutia Postare “Futbollin Shqiptar” dhe dua të afirmoj se mendimet e shprehura në artikullin tuaj ‘ZBULOHEN EDHE 3 KAMPIONATE KOMBËTARE TE SHQIPËRISË’ janë të vlefeshme dhe shumë të drejta. Jo vetëm nga pikëpamja shkencore dhe analogjike, por edhe nga ana e së drejtës ndërkombëtare, të demostrimit të njohurive tuaja të mëdha në çdo fushë të dijes, që shpesh për modesti nuk e bëni veten para ne, lexuesve tuaj.
Analogjia bazë, ajo e precedentit sportiv, mbi të cilin mund të bazoheni përballë atyre që teknikisht mund t’iu kundershtojnë tezën tuaj shkencore, është rasti i kampionateve franceze: Federata Franceze e Futbollit (FFF) edhe pas çlirimit nga nazistët, gjithmonë i njohu kampionatet e mëposhtëm zhvilluar gjatë okupacionit:
1940 FC Rouen (1)
1940 Olympique GC Nice (2)
1940 Girondins Bordeaux (3)
1941 Red Star Paris (1)
1941 Olympique Marseille (4)
1942 Stade Reims (1)
1942 FC Sète (4)
1943 Racing Club Lens (1)
1943 Toulouse FC (4)
1944 Équ. Féd. de Lens-Artois (5)
1945 FC Rouen (6)
1945 Olympique Lyonnais (7)
(1): Zona e Veriut (I papërfunduar)
(2): Zona Jug-Lindje
(3): Zona Jug-Perëndim
(4): Zona e Jugut
(5): Kampionati federal
(6): Grupi Verior
(7): Grupi Jugor
Dhe tashma kjo mjafton.
Por ndokush do të vërente se Shqipëria në periudhën 7 prill 1939-29 nëntor 1944, nuk ishte e pavarur. Kjo është e vërtete, por UEFA njeh federata të vëndeve te pavarur, të tipit të Uellsit, Irlandës së Veriut dhe të Skocisë britanike, apo dhe të danezëve të Ishujve Faroe si dhe të Konfederatave të tjera që veprojnë në këte mënyrë.
Konfederata Aziatike e Futbollit (AFC) njeh Guamin e Shteteve të Bashkuara, kinezët e Hong Kongut dhe të Makao, si dhe të Autoritetit Palestinez (formalisht ende jo e pavarur).
Konfederata e Amerikës Veriore, Qendrore dhe e Shoqatës së Futbollit të Karaibeve (CONCACAF) njeh britanikët e Anguilla, Bermudeve, Ishujt Cayman, Montserrat, Ishujt Virgjine dhe Ishujt Turks dhe Caicos, holandezët e Aruba-s, shtetebashkuarit e Porto Rikos dhe Ishujt Vegjine Amerikane.
Konfederata e Futbollit të Oqeanisë (OFC) njeh Ishujt e Samoa-s Amerikane dhe Ishujt Mariane Jugore, Ishujt neozelandeze *** dhe francezët e Kaledonisë së Re dhe të Tahitit.
Jo vetëm kaq! Të gjithë e dijnë se fashistët pushtuan Shqipërinë dhe se Populli Shqiptar nuk i ka ngatërruar kurr italianët me regjimin musolinian që ka keqtrajtuar pavarësinë e Shqipërisë se dashur. Megjithate, siç e dini, e drejta ndërkombëtare për të stabilizuar kriteret e veta, bazohet në formën dhe jo në substancen, për çka duhet të pranojmë thjesht institucionin e Bashkimit Personal midis Italisë dhe Shqipërisë (1939-43), çka e bën më të pavarur Shqipërinë se sa kolonitë e lartpërmendura të njohura nga Konfederatat e Futbollit dhe nga FIFA.
Në të vërtetë, siç konfirmon Prof. Sadik është fjala për një trajtim të “Bashkimit Personal të njëjtë me ate të Britanisë së Madhe dhe Hannover-it para vitit 1837, ose ai midis Holandës dhe Luksemburgut para vitit 1890” (H. Sadik, në An Albanian letter, New York, 1941). Prof. Lucatello afirmon se “midis formacioneve që paraqesin raste analoge me këto të Bashkimit italo-shqiptar, mund të përmendim Perandorinë Ruse që përfshiu Finlandën nga 1809 deri më 1899 dhe Perandorinë Britanike prej ndërtimit të Sundimit së parë deri në zbatimin e rezolutës së Konferencës perandorake mbajtur më 1926” (Lucatello, La Natura giuridica dell’Unione italo-albanese", Padova, 1943). Prof. Cansacchi, nga ana tjetër, duke përqafuar tezën e Bashkimit Real dhe jo personal, citon si “shembuj nga realiteti ndërkombëtar” Austro-Hungarinë dhe përvojën e bashkimit të Suedisë me Norvegjinë (Cansacchi, ‘L’Unione fra Albania e Italia’ në “Rivista di diritto internazionale”, 1940, f. 113). Po ashtu Prof. Sibilia, duke përmbledhur analogjitë e lartpërmendura me Komunitetin Britanik dhe me Austro-Hungarinë si të ishin ndryshe nga Bashkimi midis Danimarkës dhe Islandës (Sibilia, ‘L’unione italo-albanese’, në “Annali di diritto internazionale”, 1939, f. 76). Shembuj të tjerë jane sjelle nga Prof. Federico Eichberg, në Il fascio littorio e l’aquila di Skanderbeg. Italia e Albania 1939-1945, APES, Roma, 1947, capitolo II: L’occupazione dell’Albania: aspetti militari, diplomatici, amministrativi, ff. 39-68.
(vijon ne replike me poshte...)

Location/Vendndodhja: Italy

A ju pelqen kjo faqe? Yes

(...vijon nga mesazhi me siper)

Si përfundim, pasurimi me tre kampionate i Librit të Artë të futbollit shqiptar, i ka rrënjët në vlerat dhe në kërkimin e vetë te vërtetës historike! Nga ana tjetër, duke përfituar nga rasti, ju ftoj të bëheni promotor i futjes së Kosovës në UEFA.

Me nderim dhe respekt
Dr. Giovanni Armillotta

Location/Vendndodhja: Italy

A ju pelqen kjo faqe? Yes