Hello mga kasimanwa, kumusta kamo? Hali ako ngasing sa Maynila kaibhanan ako ni Mayor Boyet. Kami ay galing sa Romblon Provincial Capitol(July 11, Friday) para sa napaka-importanteng pagpupulong ng mga Mayors, Governor, SP Members, DA Secretary Art Yap,and Health Officials of Region 4-B. It's all about Typhoon Frank and Princess of the Stars tragedy. Nabasa ko ang item tungkol sa NFA-rice na kung bakit daw ang munisipyo ang nagbebenta! Para sa inyong kaalaman ito ang aking pagka-unawa sa bagay na yan, ayon sa nabasa kong Project Proposal at SB Resolution kung saan ang Bigasang Bayan ay naitatag.

Alam nating lahat na ang commercial rice ay biglang tumaas ang halaga. Sa ating bayan, dati ang isang salop(2.2 kilos)ang halaga nito ay P50 to P55! Mga buwan ng Abril at Mayo, dala ng pagtaas ng gasolina at pagkasira ng mga palayan dahil sa pagbaha lalo na sa Mindoro, ang presyo ng commercial rice ay biglang lumubo at umabot sa presyong P80-P85 kada salop. Sa puntong ito, ang ating butihing Mayor ay gumawa ng paraan para maibsan ang epekto dala ng mataas na presyo ng commercial rice.

Sa Sibale ay hindi available ang NFA-rice dahil walang Licensed NFA retailer. Ang ginawa ni Mayor ay nakipag-ugnayan sya sa NFA-Romblon na magdeliver ng NFA-rice sa ating lugar. In two days time, dumating ang bangka lulan ang 300 sacks of NFA-rice. 200 sacks ang para sa 'school for food program' at 100 sacks na available for sale sa ating mga kababayan. Pansamantala, nakahinga ng maluwag ang ating mga kababayan dahil sa murang halaga ng NFA-rice. Subalit madali itong naubos! Kung aangkat uli sa Romblon ay napakamahal ng hauling cost, umamaabot sa P20T ang arkila sa bangka. Dahil tayo ay sakop ng Province of Romblon, natural na doon tayo kukuha ng NFA-rice supply, kaya ang malaking halaga sa pag-arkila ng bangka ay isang sagabal.

Nag-isip ng paraan ang ating Mayor. Siya ay nakipag-ugnayan kay DA Undersecretary Bernie G. Fondevilla(taga-Romblon:tatay nya ay Simaranhon, nanay taga San Andres Romblon). Si Mayor ay nagtanong kay Usec Bernie kung paano maka-avail ng NFA-rice from Mindoro,ang NFA ay isang attached agency ng Dept. of Agriculture. Pinayuhan ni Usec Bernie si Mayor na sumulat sa NFA Administrator na si Mr. Jesus Navarro. Ito ay ginawa ni Mayor, at sa kanyang sulat binanggit ang distnsya ng Romblon(55 miles) at Pinamalayan(17 miles)

Sa madaling salita, by way of special accomodation and arrangement ang Sibale ay pinayagan na sa Mindoro umangkat ng NFA-rice. Ngayon ang tanong, bakit ang munisipyo ang nagbebenta? Muli, ipaalala ko sa inyong lahat na wala pang Licensed NFA-rice Retailer sa Sibale. Habang hinintay na magkaroon ng Licensed NFA-rice Retailers, nagpasya ang lokal na pamahalaan na pansamantala na sila muna ang magbenta ng NFA-rice. Inalalayan nila ang ating mga kababayan na hirap na hirap bumili ng commercial rice. Ang tanong, alin ang mahalaga, kapakanan ng iilang negosyante o kapakanan ng mga naghihirap nating mga kababayan? Ngayon, kung hindi kumilos ang lokal na pamahalaan sa pangunguna ni Mayor, baka sabihin naman natin na ano ang ginagawa ng mga namumuno sa atin para tulungan ang mga naghihirap nating kasimanwa! Magtulungan na lang tayo para sa ika-uunlad ng ating bayan!